ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានផ្ដាំទៅដល់សិស្សដែលបញ្ចប់ការសិក្សាថាសូមកុំភ្លេចគុណឪពុកម្ដាយ និងលោកគ្រូ អ្នកគ្រូ ដោយថានេះជាតម្លៃរបស់មនុស្ស។
ថ្លែងក្នុងពិធីចែកសញ្ញាបត្រដល់និស្សិតវិទ្យាស្ថានបច្ចេកវិទ្យាកម្ពុជា ព្រឹកថ្ងៃ០១ ខែមីនា ឆ្នាំ២០២៣ សម្ដេចតេជោ ហ៊ុន សែន បានថ្លែងថាក្នុងភាពជាមនុស្សបើទោះបីមិនដឹងគុណជាតិមាតុភូមិហោចណាស់ក៏ចេះដឹងគុណមាតាបិតា និងគ្រូបាអាចារ្យដែរ។
សម្ដេចថា៖ «ដោយសារតែពួកគាត់ហ្នឹងហើយទើបបញ្ជូនអ្នកមកដល់កន្លែងនេះ។ បើគ្មានគ្រូដឹកនៃពីដំបូងអ្នកក៏គ្មានថ្ងៃនេះដែរ។ បើគ្មានឪពុកម្ដាយយើងបង្កើតក្បាលយើងមកទេ មិនថែរក្សាយើងតើយើងមានថ្ងៃនេះទេ?»៕
